海洋公园夏水礼 「 鲨鱼」四处走

海洋公园将旧有嘅海洋馆改建为鲨鱼馆「寻鲨探秘」，下周四（26日）开幕。新馆有过百条鲨鱼同魔鬼鱼展出，为隆重其事，今年嘅「夏水礼」都用鲨鱼做主题，叫做「鲨胆夏水礼」。一向锺意扮鬼扮马嘅主席盛智文，喺鲨鱼馆开幕当日，唔知会否扮鲨鱼庆祝兼娱宾呢？

鲨鱼馆下周四开幕

放大及观看全部图片(1张)

公园翻新工程陆续完成，新鲨鱼馆下星期四举行开幕礼，新馆可以畀游人360度观赏过百条珍贵鲨鱼及魔鬼鱼，当然唔少得教育展示同嘅互动设施，包括「鲨胆」游戏站，畀大家了解鲨鱼嘅生态历史同有趣知识。

至于「鲨胆夏水礼」其中一项活动「夏日狂欢派对」，将有巨型舞池畀大家喺灯光下同泡泡共舞，公园更安排鲨鱼造型嘅劲舞团表演，随时向来宾发动水球攻击咁话，到时见到鲨鱼喺身边行过，千祈唔好惊呀！