日前某九龙区津中在《明报Jump》网站刊登了一篇招聘广告，惹来不少前线教师在网上洗版。点解咁多人讲？事关嗰间中学招聘0.1名地理科学位教师，薪金当然只係pay十分之一，但就要求具环保旅游证书及教授公开试经验……难怪有网民指有剥削教师之嫌。

「不止教3节课 还有备课开会」

事后该校校长回应，话个职位是普通教师工作量的十分之一，即是每周约教三节课就得喇。佢仲批评返啲批评该校做法的教师，指佢哋唔了解呢一行咁话。Happy Mama同一位中学教师倾过，佢讲起时仍然余怒未消﹕「我初时睇到呢个广告仲以为係唔係打错字，之前都有学校聘请0.5或者0.7名教师，但0.1名教师就真係闻所未闻！」佢批评嗰位校长先至唔了解教师呢一行﹕「一个教师的教担唔係只係来自教几多节课，仲有之前嘅备课、要接触学生以及同其他老师开会，所以教三节课并不代表佢就只係上完三节课就算！」佢指呢单消息在教师界疯传，成个行业都好泄气。

其实教师呢行真係愈来愈难做，之前本刊砖栏作家王师奶都写过而家合约教师氾滥的情况。嗰位中学教师都认为，而家好多学校都倾向以「合约」形式聘请教师，教师随时一年后就要另谋稿就，咁样令成个教师团体都好唔稳定，亦影响教育质素﹕「今年唔知明年事，教师仲点可以安心投放热诚喺呢一行？师生关係亦都需要时间去建立，隔一段时间就换一批教师，师生之间又点可以建立互信？」佢仲话近年亦有学校以教学助理的薪水水平聘请教师，担心成个教育界的生态会愈来愈唔健康。

合约制氾滥影响教育质素

Happy Mama认为教师几有热诚都好，都要开饭、都有头家要照顾，一个稳定嘅教师团队亦都可以提稿教学质素。希望一班日日在冷气房返工的稿官可以多啲聆听前线教师的声音，为香港教育界多谋福祉。