寻日朝早返工，即係放完复活节长假ABC个朝早，一齐排队等巴士嘅上班族个个嘅眼神唔係想队冧老细就係想队冧自己，脑中彷彿都係嗰一句：唔想返工呀！

点解会咁唔想返工？点解会一谂起返工就想死？其实有依个谂法本身可能已经係一个好大嘅问题。

如果我地找到份自己嚮往嘅工作，理应係做得开心，而且充满热情，ABC唔应该会幻想自己屙烂ssss然后医生开十日病假，仲叫你係屋企自我隔离瞓觉而且又唔係好辛苦仲可以继续煲太阳的后裔‬。其实有冇谂过，会唔会做紧嘅工作根本唔适合自己呢？

初出社会工作时大部分人都係要睇钱份上，人工ok咪做住先啰！我读呢科㗎嘛，做住先! 之后做下一年做下一年，你好彩嘅话人工年年加，点知做做下就十几廿年，但ABC后发现自己每朝都好唔想返工，原来自己根本唔锺意份工，极其量都係唔讨厌份工。但当年想做嘅野呢？要放弃依家份工重新嚟过？点供楼？点养家？梦想係呢个时候变得多么

我都好明白係香港咁现实嘅环境底下，冇钱係真係会死，就算唔死都可能一世买唔到楼俾人睇死。但係如果唔早啲帮自己搵到一份适合嘅工作，咁其实都係等同慢性自杀，然后变成只丧尸继续日日返工。

我知呢个page有好多毕业生或者读紧U嘅同学仔，搵紧工嘅毕业生要谂清楚，想转工嘅都应该谂清楚，到底点嘅工作先会令自己做起上嚟有干劲、会令自己开心。如果只係看着银码去搵工，结果可能都只会变成每朝唔想返工嘅walking dead。Facebook大神话我知睇呢个page嘅人都仲好后生，仲有大把世界㗎！

原文刊于HR小薯蓉，获授权转载。